Rregullat e faqes

1) Regjistrimi dhe shërbimet në Top.al janë FALAS (me përjashtim të shërbimeve plotësuese). Pronarët e Top.al nuk janë përgjegjës për pasojat e mundshme lidhur me shfrytëzimin e faqes. .

2) Pronarët e Top.al mbajnë të drejtën për ndryshimin e rregullave të faqes në raste të nevojshme. Nëse eventualisht ka ndonjë ndryshim të rregullave, atëherë do të shfaqen në këtë faqe.

3) Ne i lusim të gjithë njerëzit që nuk pajtohen me rregullat e top.al, më mire të mos regjistrohen në faqe. Anëtarët të cilët nuk iu përmbahen rregullave të faqes, janë përgjegjës për secilin dëm të mudshëm që mund të shkaktohet nga mosrespektimi i rregullave. Në raste bllokimi të profilit të anëtarit, Top.al nuk i kthen paratë virtuale.

4) Në rast se anëtari nuk i respekton rregullat e sistemit të faqes, pronarët e Top.al mund të bllokojnë profilin e tij/saj pa treguar ndonjë arsye.

5) Ndalohet përdorimi i të dhënave personale të ndonjë personi tjetër në profilin tuaj. Çdo anëtarë mund të ketë vetëm një profil. Profilet të cilët përsëriten do të bllokohen pa ndonjë vërejtje.

6) Ndalohet dërgimi i spam mesazheve dhe çfardo lloj mesazhi tjetër reklamues në kuti postare, komente publike, forum ose në profil. Ju lutemi t'i kontaktoni moderatorët duke iu dërguar atyre ankesë në lidhje me gjëra të tilla, dhe duke iu dërguar një kopje nga mesazhi i pranuar, me emrin e dërguesit të mesazhit, kohën e dërgimit dhe fakte të tjera të ngjashme.

7) Kërcënime, ofendime dhe përmbajtje tjera të pakulturshme janë të ndaluara në forume, mesazhe personale, komente të fotografive ose të ndonjë Top.al emri përdorues.

8) Çështjet e urrejtjeve fetare, propagandave raciste dhe aktiviteteve tjera të pamoralshme dhe ilegale janë gjithashtu të ndaluara. Duke komunikuar me anëtarë të tjerë, duhet të jeni të mirësjellshëm.

9) Ndalohet vlerësimi i fotografive, dhe gjithashtu shikimi i profileve duke përdorur ndonjë program ose skriptë.

10) Ndalohet identifikimi në profil të ndonjë anëtari tjetër ose shqetësimi i intimitetit të anëtarëve të Top.al duke iu marrë atyre të drejtën të shfrytëzojnë faqen pa ndonjë brengosje.

11) Në rast se ndonjë anëtarë nuk i respekton rregullat e faqes, do të dënohet. Moderatorët mund të japin një vërejtje nëse mosrespektimi i rregullave është nga moskujdesja ose nga padituria. Nuk lejohet kundërshtimi i vërejtjeve të moderatorëve. Nëse mosrespektimi i rregullave është në mënyrë agresive, profili i anëtarit do të bllokohet pa të drejtë për rikthim në faqe.

Rregullat për të shtuar fotografi

1) Fotografia të cilën dëshironi ta shtoni duhet të jetë në JPEG format, duhet të mbulon hapësirën e plotë të fotografisë (të mos ketë pika të bardha të mbetura nga skenimi i fotografisë) dhe duhet të pozicionohet vertikalisht.

2) Anëtari dhe fytyra e tij/saj duhet të jenë të pastër/të dukshme në fotografi. Nëse në fotografi ka shumë persona, atëherë anëtari duhet të jetë para fotografisë, përndryshe fotografia do të refuzohet. Para se të shtoni fotografinë tuaj, ju lutemi të kontrolloni kualitetin dhe madhësinë e saj.

3) Nëse në fotografi ka më shumë se një person, atëherë anëtari në përshkrimin e fotografisë duhet të cakton saktësisht cili/a është në fotografi. Emri i fotografisë mund të jetë në gjuhë shqipe dhe në gjuhë angleze.

4) Fotografi pornografike ose erotike janë të ndaluara. Moderatorët vendosin ku është kufizimi ndërmjet fotografive pornografike/erotike dhe fotografive që janë në rregull. Fotografi dhe emra të fotografive të pahijshme ose të turpshme nuk lejohen. Fotografi ilegale ose fotografi në të cilët shfaqet racizëm ose dhunë (shembull, duke iu drejtuar dikujt me armë) nuk lejohen.

5) Fotografi në të cilët është shfaqur dhe është përdorur narkotikë, alkohol dhe cigare janë të ndaluara. Moderatorët kanë drejtë të refuzojnë fotografinë ku anëtari është i dehur, shfrytëzon cigare ose alkohol, ose përshkrimi i fotografisë asocionon përdorim të alkoholit/cigareve. Gjethe nga marihuana dhe nargjile gjithashtu konsiderohen si shenja të narkotikës.

6) Fotografitë e fëmijëve deri në moshën 6 vjeçare janë të ndaluara. Të gjitha fotografitë të personave nën moshën 7 vjeçare kosiderohen si fotografi të fëmijëve. Nëse një anëtarë 25 vjeç shton një fotografi të tij/saj që është fotografuar në moshën 9 vjeçare, gjithashtu konsiderohet si fotografi e fëmijëve. Nëse një anëtarë 9 vjeçarë shton një fotografi të tij/saj që është fotografuar në moshën 9 vjeçare, atëherë fotografia është e pranueshme.

7) Ndalohen fotografitë që përmbajnë reklamë në fotografi ose në përshkrimin e fotografisë dhe gjithashtu logo te webfaqeve tjera. Nëse Top.al emri përdorues nuk përmban ndonjë reklamë në të, atëherë ai emër përdorues lejohet të shfaqet në fotografi ose në përshkrimin e fotografisë. Në fotografi është e ndaluar të shfrytëzohet shenja për të drejta autoriale - ©.

8) Ndalohen fotografi me kualitet të dobët (fotografi ku personi nuk duket mirë, fotografi të cilat nga përpunimi i tyre janë deformuar). Fotografitë në të cilat shfrytëzohet një prapavi e ndonjë fotografisë tjetër, ose bashkangjitja e disa fotografive në një fotografi, gjithashtu janë të ndaluara. Lejohen fotografi të përpunuara vetëm me kualitet të mire.

9) Një fotografi të njëjtë mund të shtoni në profilin tuaj vetëm një herë.

10) Ndalohen fotografi që nuk janë të juajat, ose fotografi me të drejta autoriale. Nëse anëtari nuk ka leje të shfrytëzon një fotografi, në të cilën ka edhe persona të tjerë, atëherë një fotografi e tillë është e ndaluar. Shfrytëzimi i detaleve me të drejta autoriale (prapavi, logo, etj.) është gjithashtu i ndaluar.

11) Nëse mendoni se janë thyer të drejtat autoriale, së pari drejtohuni anëtarit që ka shtuar fotografinë në Top.al. Nëse ajo nuk ndihmon, atëherë dërgoni e-mail në pics@top.al në të cilin do të shtoni korrespodencën me personin i cili ka thyer të drejtat autoriale (emri, data dhe ora e dërgimit të letrës).

12) Nëse personi në fotografi ose autori i të drejtave autoriale nuk ka dhënë autorizim për publikimin e fotografisë dhe shkruan një ankesë, atëherë personi i cili ka publikuar fotografinë në faqe merr përgjegjësi të plotë dhe duhet të përballohet me pasojat.

13) Në pajtim me ligjin, të gjitha të dhënat, që mund të ndihmojnë për kapjen e shkelësit të të drejtave autoriale, do të dorëzohen në shërbimet shtetërore ose në shërbimin komunal. Moderatorët mund të ndalojnë fotografi të cilat janë sipas rregullave të faqës, por kanë përmbajtje të papërshtatshme ose mund të dëmtojnë dikënd.

14) Për përshtatshmërinë e fotografive vendosin moderatorët e faqes Top.al. Kundërshtimi dhe komentimi në zgjedhjet e tyre nuk është e lejuar dhe mund të sjell deri në bllokimin e proflilit.

15) Rregullat janë të njëjta për të gjithë anëtarët, si dhe për moderatorët e faqes. Nëse keni ndonjë pyetje në lidhje me rregullat e faqes, shkoni në forumin " diskutime" dhe pyetni ndonjë moderatorë.

Valuta e faqes

Top.al anëtarët mund të blejnë disa nga Top.al shërbimet. Në faqen paratë tuaja janë disa mënyra për të bërë depozit –SOL, të arritura në profilin e anëtarit. Anëtari këto para mund ti harxhon për shërbime të ndryshme në faqe. Listën me shërbimet dhe çmimet e tyre mund ta gjeni në faqen e shërbimeve.Top.al ka të drejtën ekskluzive për të shitur valutën virtuale të faqes (SOL). Shitja e valutës virtuale nga anëtarët e faqes ndërmjet tyre nuk është e lejuar. Nëse kjo rregull injorohet, atëherë Top.al ka të drejtë të bllokojë profilin e shitësit dhe blerësit.

Paratë virtuele (SOL) kanë datë të skadimit, SOL-et skadojnë 6 muaj pas përdorimit të fundit të ndonjë shërbimi me pagesë ose 6 muaj pas vizitës së fundit në faqe dhe në kohën kur ato do të skadojnë, do të fshihen nga llogaria e anëtarit. Anëtarët do të marrin një paralajmërim në lidhje me skadimin e SOL-ëve 30 ditë, 7 dhe 1 ditë para datës së skadimit. Për të tejkaluar datën e skadimit, anëtari duhet të blejë ndonjë nga shërbimet e faqes në Top.al, të shtoje SOL në llogari ose të pranojë SOL nga anëtarët tjerë. SOL-et që ju dhurohen anëtarëve nga Top.al (për lojëra të ndryshme), nuk kanë datë të skadimit. Anëtari mund të sheh datën e skadimit në gjendjen e llogarisë.

Rregullat dhe kushtet për OpenSocial aplikimet

Duke shtuar këtë aplikim do të lejoni qasjen e informatave publike në profilin tuaj dhe listën e miqve tuaj. Duke shtuar një aplikim në profilin tuaj, informatat publike të profilit tuaj do të shpërndahen përmes aplikimit me zhvilluesin e aplikimit, me miqtë tuaj të cilët marrin informatat më të reja dhe me ndonjë tjetër shikues ose anëtarë të aplikimit nëse shikuesi ose anëtari është në faqen tonë ose në ndonjë faqe tjetër ku është shfaqur aplikacioni (kolektivisht, "Marrës të të dhënave"). Me "informatë publike në profil" ne e kemi fjalën për të gjitha informacionet që janë në dispozicion në profilin tuaj të cilat nuk kanë një intimitet që kufizon vendosjen e aksesit për miqtë e miqve, miqve apo vetes. Kjo përfshin përmbajtje të tilla si fotografitë dhe videot.

Rregullat e tjera

Rregullat e forumit janë në faqen e forumit.