Top.al is a social network offering you an opportunity tocommunicate with your friends, meet new people and find out what otherpeople think about you. For using the site log in or register!
Aroma blog

Pasojat e Alkoholit

Alkooli, semundje e shoqerise
Alkooli ne ditet e sotme njihet si nje nder problemet me shqetesuese te shoqerise sone. Nga shume kronika qe ne shikojme si ne median e shkruar dhe ne ate vizive, vihet re se nje numer i larte i aksidenteve dhe krimit ne familje vijne si rezultat i konsumit te alkoolit ne doza te larta nga individet. eshte per t'u theksuar se perdoruesit e tij nuk degradojne vetem individin, por edhe ambientin ku ai jeton, pasi efektet pasqyrohen ne te gjitha ambientet ku alkoolisti eshte pjese e tij.
Perberja e alkoolit eshte ne nje menyre te tille, qe ajo ve nen ndikimin e tij cdo qelize te gjalle te njeriut, dhe nje prej ketyre qelizave jane edhe ato te sistemit nervor, te cilat kane nje ndikim teper negativ. Po ashtu edhe ne baze te eksperimenteve te ndryshme qe jane bere, eshte pare se shume pjese te trupit demtohen seriozisht nga perdorimi i tij.
Alkooliste quhen te gjithe ata individe, te cilet perdorin tej mase dhe rregullisht pijet alkoolike, duke krijuar varesi fizike dhe psikologjike; kjo e fundit duke u manifestuar me crregullime te dukshme mendore. Shume shkencetare bihen dakord ne te njejten teze, se organizmi i njeriut nuk eshte i pergatitur per konsumin e alkoolit (dhe duhanit), ndaj dhe reagon negativisht ndaj tij.
Alkooli, duke depertuar ne organizem nga goja, fillimisht demton buzet, gjuhen dhe mukozat e stomakut, duke depertuar ne gjak e tru brenda 10 minutash. Alkooli zgjeron enet e gjakut ne zgavren e barkut, te organeve te ndryshme dhe lekures. Me se tepermi demton qelizat e sistemit nervor, duke cuar ne degjenerimin e tyre.
Si pasoje e perdorimit te alkoolit per nje periudhe te gjate, truri tashme me baze te re e te ndryshme, e shkaktuar nga alkooli kalon ne lidhje te ngushte me te dhe me rritjen e moshes rritet dhe lidhja me alkoolin. Shume individe, konsumatore te alkoolit mendojne se disa prej problemeve qe iu paraqiten me kalimin e kohes, kane tendence t'ia atribuojne moshes se tyre sesa konsumit te pijeve. Po perse e perdorim alkoolin? Njerezit mendojne se mund te kalojne shume nga situatat e zhgenjyese por edhe ato te kendshmet nen efektin e alkoolit. Shume prej nesh konsumojne alkool per te pasur nje besim dhe vetevleresim me te larte ne vetvete, per te fituar sigurine e munguar tek ta, si edhe per te pasur nje gjendje euforie, sidomos kjo e theksuar ne festat e ndryshme familjare te organizuara nga vete njerezit. Normalisht, nje individ duhet te konsumoje vetem dy gota alkool, per te qene plotesisht i afte te kontrolloje vetedijen e tij.
Nje psikolog ka thene se pirja e cdo mase alkooli shuan nje drite te ndergjegjes dhe e ben njeriun, dyshues me shoqerine dhe te afermit, duke i larguar kulturen, sjelljen dhe personalitetin. Tashme, alkooli per familjen shqiptare eshte vertet nje problem madhor. Personat qe konsumojne alkool, ne te shumten e rasteve jane shkaktare te shume problemeve brenda familjes se tyre. Prinderit qe jane konsumatore, kane nje mungese te dukshme ndaj kujdesit dhe butesise se femijeve. Per me teper, shume prinder keqtrajtojne femijet e tyre psikologjikisht, fizikisht, seksualisht dhe ndoshta nuk u japin as ushqimin e nevojshem.
Fakt shqetesues per ditet e sotme eshte abuzimi me substanca te ndryshme nga te rinjte shqiptare. Mjafton te shikosh neper baret e qytetit, dhe gjeja e pare qe te bie me shume ne sy jane gotat e alkoolit ne tavolinat e tyre. Nga bisedat me ta do te kuptohej qarte se disa prej tyre konsumojne alkool perdite, qe eshte mjaft i demshem per organizmin; te tjere, vetem gjate fundjavave ose me raste festash.
Efektet e alkoolit tek adoleshentet jane me te demshme nga c'mendojne ata. Menyra sesi reagojme ndaj alkoolit nuk varet vetem nga sasia e konsumuar, por edhe nga situata ne te cilen ndodhemi, nga forma fizike, gjendja shpirterore e momentit etj.
Nese dikush prej nesh ka nje peshe te lehte trupore, do te reagojme shume shpejt ndaj nje sasie te vogel alkooli dhe nese nuk kemi ngrene, alkooli na deh me shpejt se nje konsumator i mesuar me te. Te rinjte kane gjithmone tendenca per te bere perzierje te alkoolit me lengje te ndryshme frutash apo me gaz. Mund te thuhet qe keto perzierje jane teper te demshme, per arsye se: 1- embelsia e lengjeve mbulon shijen e hidhur te alkoolit; 2-me keto perzierje adoleshentet mesohen pak e nga pak me alkoolin e forte.
Pjesa me e madhe e adoleshenteve pine alkool per te eksperimentuar, por kjo nuk eshte shqetesuese, rreziku qendron kur alkooli konsiderohet si zgjidhje e problemeve, pasi mund te krijohet varesi prej tij.
Pasojat psikologjike qe alkooli
transmeton
Lodhje
Gjendje gjumi
Shenja nervozizmi
Joaktivitet ose joproduktivitet
Paperqendrueshmeri
Konflikte te vazhdueshme
Perdorim te dhunes
Shperdorim monetar
Nevoja per te pire gjithmone me shume, per te ndjere efektet e deshiruara behet normale, nderkohe qe mungesa e tij mund te shfaqet me shenja nervozizmi, probleme perqendrimi, gjume, djersitje dhe dridhje.
Te rinjte qe kane komunikim te mire me prinderit e tyre, edhe nese konsumojne alkool, duhan apo droga ilegale, konsumojne shume me pak se ata te rinj qe nuk komunikojne me prinderit e tyre.
Sa ndikon alkooli ne aktivitetin seksual?
Alkooli do te percoje ne menyre te paevitueshme probleme ne jeten seksuale te njeriut. Per meshkujt, alkooli ne te shumten e rasteve nenkupton probleme ne arritjen e ereksioneve, si kur jane esell, ashtu edhe kur jane ne gjendje te dehur. Alkoolizimi mund te ndikoje ne libido dhe mund te shkaktoje veshtiresi ne ereksion, pasi alkooli veshtireson qarkullimin e gjakut duke ndikuar ne arterie dhe vena, gje e cila behet shkak qe organi seksual te mos furnizohet me gjak, duke shkaktuar efekte sekondare. Duhen marre parasysh edhe pasojat sociale qe sjell konsumimi i tepert i alkoolit. Per shume te alkoolizuar, percarja e jetes personale mund te jete menjehere e dukshme dhe e rendesishme, gjithashtu dhe ndryshimet kimike qe ndodhin brenda tyre. Nese partneret e tjere me nje marredhenie jane alkooliste, veshtiresite seksuale mund te jene me siguri nje nga pasojat e problemit. Per meshkujt, ne pjesen me te madhe ky eshte nje tregues i qarte i mosfunksionimit te ereksionit edhe kur ata jane esell. Alkooli sjell probleme te shumta ne sistemin hormonal dhe con ne ulje te nivelit te testeronit
Seksi mund te mos jete nje aktivitet terheqes per nje person qe krijon marredhenie seksuale me nje te dehur, faktor ky qe ndikon negativisht ne marredheniet e nje cifti.
Shume nga keta individe kur jane ne gjendje depresive, mund te ndihen shume keq me veten e tyre, dhe kjo sigurisht qe do te largonte deshiren e tyre per te kryer marredhenie intime. Rritja e moshes, prezenca e depresionit mund te lidhen shume ngushte per te cuar ne mosfunksionimin e ereksionit. Edhe pse mund te kete kura te ndryshme per mosfunksionimin e ereksionit, perseri kurimi me i mire do te ishte heqja dore perfundimisht nga alkooli.
__________________


 
Interesting
positive votes: 1  |  negative votes: 0

Write comment:

 

© 2014 Top.al - all rights reserved.