Top.al is a social network offering you an opportunity tocommunicate with your friends, meet new people and find out what otherpeople think about you. For using the site log in or register!
desada1 blog

E dashur motër që nuk kam.

Do isha me ty sot, duke pirë një kafe e duke trazuar një lugë sheqer në të, me etjen e madhe për të treguar se si po më shkojnë gjërat e se si jeta ime nuk ecën në shina treni, por e ndërton rrugën e saj vetvetiu, duke menduar se ku do ta kalonim fundjavën të dyja, nën një çati të drunjtë, oxhak, çaj dhe kanellë, mbështjellë me batanijen e butë me papuçet e dhjetorit të ngrohta sa e gjithë qeshura e shpirtit që mbush një ajër me jetë!

Do ishe më e vogël se unë e do të kisha ndjerë të qarat e tua të para, do të ta kisha vënë unë emrin ty, duke të të ndjekur hap pas hapi çdo cingërrimë kapriçoze tënden, do të doja pa diskutim, siç të dua tani që në mendim!

Në një ditë si kjo me shi, do të të kisha shtrënguar fort dorën duke të të shoqëruar për shtëpi me mburojën më të fortë që do të të vishja ty, dashurinë. Do të mbaja mend shumë mirë ditën që do të të dhuroja të njëjtën unazë që unë dhe mami kemi në gisht prej 8 vitesh.

Momentin kur do të kërkoja në dollap fustanin tim, por në fakt do e gjeja të varur te gardëroba jote, grindjet e vogla që më pas do shuheshin me një përqafim, ëmbëlsirat e gatuara me shumë rrëmujë në hapësirën tonë, shtrëngimet që do t’i bënim vëllait kur të kthehej nga një udhëtim, gjithë rrugëtimin e jetës do të të kisha dashur ty më shumë… (shshshsh… mos trego!)

Që ditën kur kuptova se sa më mungon një motër, e dua më shumë tim vëlla.

Që ditën kur mendova se më duhej një motër, vlerësoj më shumë time më.

Që ditën kur ndjeva se sa do doja të të kisha, u lidha më shumë me shoqet e mia të zemrës.

Që ditën kur nuk të pata, vendosa se dua të kem dy vajza në të ardhmen!

Kushedi kujt do t’i ngjaje e sa e bukur do ishe!

Në një ditë si kjo me shi…

Do të të kisha telefonuar tani për të të thënë se sa e lumtur jam, e di ti si qesh unë kur jam e lumtur, i tremb gjithë hijet e trishtimit.



 
Interesting
positive votes: 3  |  negative votes: 0

Write comment:

ILIRIAN (44)
Shume e bukur, me pelqen ...
#1, 10.07.2018 - 09:08
 

© 2018 Top.al - all rights reserved.