Top.al is a social network offering you an opportunity tocommunicate with your friends, meet new people and find out what otherpeople think about you. For using the site log in or register!
adar blog

A keni dashuruar ndonjëherë një vajzë me sy të qeshur?

Personalisht jam një njeri që me siguri edhe kur jam “shkëputur” nga placenta kam përshtypjen se të qarën e parë e kam bërë duke qeshur. S’e kam menduar kurrë se si do të ngjante fytyra ime nëse pas një situate që mund të kem përjetuar, të mos tentoj sërish buzëqeshjen. Thonë se njeriu e tregon në këtë mënyrë lumturinë, bukurinë e shpirtit, ndjenjën brenda tij e madje edhe qenien. Të mjafton vetëm një buzëqeshje për të krijuar miq të rinj, flirte të reja, simpati, dashuri apo edhe marrëdhënie në të cilat e rëndësishme është të lësh impaktin më të mirë të një njeriu. Nuk është e nevojshme që të qeshësh me të madhe, të mbash frymën, të biesh në sy apo të sforcohesh sepse ndoshta dukesh bukur apo dhëmbët e bardhë bien më shumë në sy kështu.

“Buzëqeshja është aksesori më i bukur që një grua mund të veshë”,- thotë një shprehje, ndërsa unë mendoj se jo të gjithë dinë ta veshin apo ta kombinojnë atë.

Është shumë e lehtë, janë thjesht dy cepat e buzëve që lakohen për sipër, një ngritje e lehtë e mollëzave që i jep të gjithë fytyrës një bukuri vrastare e dy gropëza të vogla në faqe që çuditërisht nuk janë defekt, por kismet. E dini që njerëzit identifikohen nga qeshja? Nuk qeshin vetëm buzët, por edhe sytë. Të qeshësh me sy do të thotë të dashurohesh sepse syve të qeshur nuk u reziston dot askush.

A keni dashuruar ndonjëherë një vajzë me sy të qeshur?

Me siguri e keni vënë re se në cepat e tyre të syve, aty ku peneli jep formën, ka disa rrudha të vogla që për dreq u shkojnë shumë. Pikërisht ato dhe cepat e buzëve janë pjesa më e bukur e fytyrës së tyre. Një grua që qesh me sy nuk mund të jetë kurrë e shëmtuar.

Ka shumë lloj buzëqeshjesh, nuk e di nëse i njihni. Ka disa që qeshin sepse nuk mund të qajnë, të tjerë që buzëqeshin për të fshehur sekretin, e dikush që buzëqesh për ironinë e tij apo të fatit. Si këto të fundit ka aq shumë sa i kanë mbytur të gjithë njerëzit.

Por a keni njohur ndonjëherë njerëz që nuk qeshin kurrë?

Po, unë kam njohur dhe qesha shumë… Jo sepse ata njerëz nuk munden, por mendojnë se të qeshësh do të thotë të bëhesh qesharak. Vetullat e tendosura, mollëzat në vend dhe sytë të parrudhosur janë për ta 100 herë më tërheqëse dhe efektive se dy rrudha më shumë. Këta njerëz edhe kur puthen nuk qeshin, as kur gëzohen, as kur martohen. Mund të themi se janë një version i prekshëm dhe i lëvizshëm i fotos së pakotestueshme me ligj të një pasaporte. Edhe pse në fakt ka shumë të tjerë që edhe në atë foto kanë dalë duke qeshur.

Ndonjëherë nuk të duhen fustanet madhështore, grimi gati vezullues në tentativë e varëset me gur të çmuar për të marrë gjithë shkëlqimin. E di, më shumë do të rrezatosh me një palë pizhame (që çuditërisht janë në modë) dhe me një buzëqeshje që kur e sheh të rrëmben gjumin.

Në fund të fundit, vajzat duhet ta kuptojnë se një mashkull nuk thotë kurrë “e dua për lapsin që u shkon syve”, por “e adhuroj sepse i qeshin edhe sytë”. Kështu që qeshni sa më shumë! Lërini ç’thonë llafet e grave përreth, buzëqeshja është gjëja e vetme që i jep bukuri fytyrës së një femre.



 
Interesting
positive votes: 10  |  negative votes: 0

Write comment:

Ermirs (22)
Dashuria e vertet ska interes nga asjera ane. (shumica e njerve krijon nje dashuri interesi nuk arrin te shohin lumturi ne familjen e tyre .ndodhin tradhtira/ndarje/etj ) qe smund te mare emrin dashuri (shum histori e vertetojn nje dashuri te vertet fale dy njerve qe mbajn besnikerin e dashurise dhe kalojn nje jete te lumtur .END
#3, 27.06.2018 - 23:21
Ermirs (22)
Vetem me shikim te heshtur
#2, 27.06.2018 - 22:53
Me duket qe po Se di sigurt nese i ke syte ashtu
#1, 10.05.2018 - 15:04
 

User
offline
offline adar
Greqia, Athinon, Athens



Blogs: tags
no tags
© 2019 Top.al - all rights reserved.