Top.al is a social network offering you an opportunity tocommunicate with your friends, meet new people and find out what otherpeople think about you. For using the site log in or register!
mcm blog

Lulet e francezit dhe orizi i indianit.

Tregohet se një autobus që transportonte një grup shkencëtarësh të cilët studionin jetën në natyrë ishte nisur drejt një fshati të largët. Me t’iu afruar fshatit, autobusi pëson një defekt dhe pasi del nga rruga përmbyset në një vend të thepisur, duke lënë të vdekur të gjithë shkencëtarët.
Komuna, në bashkëpunim me autoritetet e vendeve të origjinës nga vinin shkencëtarët, vendosën që ata të varroseshin në fshat dhe të afërmve tu krijohej mundësia që ti vizitonin herë pas here.
Rastësisht, një shkencëtar francez ishte varrosur përbri një kolegu indian.Secili prej tyre kishte një të afërm që vinin për vizitën e varreve në ditët e shënuara.
Francezi vishej bukur dhe gjithmonë vinte me një buqetë lule të bukura, të cilën e vendoste mbi varrin e të afërmit të tij.Ndërkohë, indiani vinte i veshur keq dhe sillte një pjatë me oriz, të cilën e linte mbi varrin e të afërmit të tij indian.
Kaluan ditë, javë e muaj dhe ata takoheshin gjithmonë bashkë, por pa komunikuar. Një ditë, francezi e ironizoi indianin me fjalët:”Miku im! Kur do të ngrihet i afërmi jot që ta hajë pjatën e orizit që i vë mbi varr?!”
Indiani e pa në sy dhe me qetësi iu përgjigj:”Atëherë kur të ngrihet i afërmit jot e tu marrë erë luleve të tua!”
Ne e jetojmë jetën tonë bazuar në disa vlera, besime dhe zakone me të cilat jemi mësuar dhe jemi edukuar që nga vegjëlia, duke i bërë stil jete. Në fund të fundit, njeriu unë është veçse një tërësi besimesh, vlerash dhe zakonesh. Ajo që ndodh është se ne i gjykojmë sjelljet e të tjerëve duke u nisur nga besimet dhe sistemi ynë i bindjeve, duke e konsideruar të drejtë gjithçka që përshtatet me bindjet tona dhe të gabuar gjithçka që bie ndesh me to!
Për një moment, mund të na duket buqeta e luleve mbi varrin e francezit më e bukur dhe më logjike sesa pjata me oriz mbi varrin e indianit. Por po të thellohemi, do të kuptojmë që buqeta franceze e luleve nuk është veçse një pjatë indiane orizi, e ofruar në mënyrë moderne.
Nuk jemi ne të vetmit që jetojmë mbi planetin tonë, por ka dhe shumë të tjerë, të cilëve u dukemi të çuditshëm madje dhe perversë ndonjëherë, sepse mendimet tona nuk përkojnë me ato të tyret. Edhe neve, të çuditshëm madje edhe perversë na duken ndonjëherë shumë njerëz të tjerë të ndryshëm nga ne.
Mënyra më e mirë për të kuptuar sjelljet e të tjerëve është duke kuptuar mentalitetin dhe origjinën e këtyre sjelljeve. Me këtë, nuk po bëj thirrje që të bëjmë lëshime dhe të heqim dorë nga parimet, vlerat dhe idetë tona thjesht për tu bërë qejfin të tjerëve. Përkundrazi, dua që tu përmbahemi atyre gjërave që janë realisht vlera, por gjatë këtij rrugëtimi, duhet të kemi parasysh se njerëzit që janë të ndryshëm nga ne, janë njerëz si ne dhe po të na ishte dhënë shansi të jetonim në të njëjtat kushte, do të ishim një kopje e tyre.
Prandaj, besoni çfarë të doni, ua mësoni vlerat tuaja fëmijëve dhe jini krenarë për to përderisa jeni të bindur në saktësinë e tyre, por kini parasysh gjithmonë se planeti ku jetojmë është i ngjashëm me një hotel të madh, ku ne nuk jemi klientët e vetëm.
Kije parasysh gjithmonë se buqeta franceze e luleve është pjata indiane me oriz, çështje shijesh.!



 
Interesting
positive votes: 4  |  negative votes: 0

Write comment:

helios (36)
Shume reale per kohen qe jemi dhe jetojme.
#1, 20.09.2016 - 16:40
 

© 2018 Top.al - all rights reserved.