Top.al is a social network offering you an opportunity tocommunicate with your friends, meet new people and find out what otherpeople think about you. For using the site log in or register!
yahoomsn blog

I dashuri njeri !

I dashuri njeri! Je i dashur përderisa je njeri. Krijesë e zgjedhur dhe e dalluar. E pajisur me frymë hyjnore. Edhe sikur të gjitha krijesat të viheshin në një anë, e ti në një anë, për rëndësinë që ke, ana jote do të peshonte. Por sa pak e dinë këtë të vërtetë. Kur njeriu bëhet mohues! Ende pa lindur, ty të është dhënë jeta. Jeta jote ka vlerë.


I dashuri njeri! Sikur dhe vetëm për një moment të shkurtër të mendoje për atë që është krijuar brenda teje. Sikur dhe vetëm për një moment të shihje rreth vetes. Sa krijesë e kompletuar je! Forma që të është dhënë, është forma më e përsosur. Je krijuar nga një Qenie e Madhërishme! Të ka dashur, pastaj të ka krijuar.


I dashuri njeri! Provo të jetosh çdo moment të jetës. Të përjetosh çdo sekondë të momentit. Provo vetëm një sekondë të notosh thellë në zemrën tënde, e ta kuptosh gjuhën e saj. Provo të zhytesh thellë në shpirtin tënd, e të komunikosh me të, të njihesh me të vërtetën.


I dashuri njeri! Ke pyetur ndonjëherë si filloi krijimi yt. Pse u krijove. Ke pyetur se ç’zë është ai, kur ngushtohesh, ndërsa zemra duke e thirrur Zotin e vet! Ke pyetur se ç’tundimi është, kur rrënohesh, ndërsa shpirti yt duke e thirrur Zotin e vet! Ke pyetur për mëshirën, butësinë dhe urtësinë që prekim, kur sytë tanë kah qielli drejtohen!


I dashuri njeri! A thua vallë, sa përgënjeshtrues mund të jetë një njeri që veten e përgënjeshtron! A thua vallë, sa i padrejtë mund të jetë një njeri që kundër vetes lufton! A thua vallë, sa i paditur mund të jetë një njeri që vetveten nuk e njeh! A thua vallë, si mund të jetojë një njeri gjithnjë në frikë e shqetësim!


I dashuri njeri! Ke kërkuar ndonjëherë qetësinë por s’e ke gjetur? Ke kërkuar ndonjëherë lumturinë por s’ia ke arritur? Ke kërkuar ndonjëherë kënaqësinë por je mërzitur? Ke pyetur pastaj, ku dhe si mund t’i gjej? Nëse ke provuar, i ke gjetur.



 
Interesting
positive votes: 3  |  negative votes: 0

Write comment:

 

© 2018 Top.al - all rights reserved.