Top.al is a social network offering you an opportunity tocommunicate with your friends, meet new people and find out what otherpeople think about you. For using the site log in or register!
syrizi blog
Një herë e në një kohë, ishte një ishull në të cilin jetonin Lumturia, Pikëllimi, Dija, Pasuria, Arroganca dhe Dashuria.

Një ditë mësuan se ishulli i tyre së shpejti do të përmbytej, prandaj të gjithë filluan të ndërtonin varkat e tyre, dhe në vazhdim të largoheshin një e nga një. Dashuria ishte e vetmja që mbeti pas. Donte të rezistonte deri në çastin e fundit. Kur ishulli filloi të përmbytej, Dashuria vendosi që të kërkojë ndihmë.

Shikon Pasurinë tek kalon me një anije të ndritshme.

Dashuria e pyet:

- “Pasuri, a mund të më marrësh me vete?”

- “Jo, nuk mundem” u përgjigj Pasuria.

- “Anijen e kam të tejmbushur me ar dhe argjend, nuk kam vend për ty.”

Atëherë, Dashuria vendosi t’i kërkojë ndihmë Arrogancës që kalonte gjithashtu para saj me një varkë të mrekullueshme.

- “Të lutem, ndihmomë” tha Dashuria.

- “Dashuri, nuk të ndihmoj dot, je e lagur dhe kam frikë se do të më prishësh varkën e bukur”, iu përgjigj Arroganca.

Pikëllimi ishte pak më tutje, Dashuria iu afrua dhe i kërkoi edhe atij ndihmë.

- “Pikëllim, më lejo të vij me ty.”

- “Oh, Dashuri, ndihem kaq keq, sa dua të rri vetëm” i tha Pikëllimi.

Lumturia kaloi para Dashurisë, por edhe ajo nuk i dha rëndësi. Ishte aq e lumtur, sa që as që e dëgjoi Dashurinë kur i kërkoi ndihmë.

Papritur u dëgjua një zë:

- “Dashuri, eja këtej, do të të marr unë.”

Ishte një burrë shumë i moshuar të cilin Dashuria nuk e njihte më parë, ishte aq e gëzuar por edhe e mbushur me mirënjohje sa që harroi ta pyeste për emrin e tij. Kur mbëritën në tokë, burri i moshuar iku dhe shkoi në rrugën e vet.Dashuria duke e ditur se sa shumë e ndihmoi ai njeri, pyeti Dijen:

- “Dije, kush më ndihmoi?”

- “Koha” iu përgjigj Dija.

- “Koha?” pyeti Dashuria.

- “Dhe pse më ndihmoi Koha?”

Atëherë Dija buzëqeshi dhe me mençuri të thellë i tha:

- “Sepse vetem Koha mund të kuptojë se sa e rëndësishme është Dashuria.”



 
Interesting
positive votes: 7  |  negative votes: 1

Write comment:

flm
#1, 29.10.2010 - 16:22
 

© 2018 Top.al - all rights reserved.