Top.al is a social network offering you an opportunity tocommunicate with your friends, meet new people and find out what otherpeople think about you. For using the site log in or register!
orbiti blog

GJYSHJA ME KA TREGUA

Gjyshja më ka treguar se gjyshi im gjithmonë i këshillonte vajzat me këtë histori:

Një herë një grua erdhi tek një dijetar, për të cilin ajo kishte dëgjuar se është magjistar, dhe i kërkoi që t’i bënte asaj diçka me anë të cilës burri i saj ta donte aq shumë sa asnjë grua në botë nuk kishte parë dashuri të tillë.

Meqenëse ky ishte dijetar dhe edukues i mirë i tha:

-Ti po më kërkon një gjë jo të lehtë. Që të realizojmë një gjë të tillë na duhen disa shpenzime, a je gati të paguash ti?

-Po,- i tha.

-Kjo punë nuk bëhet vetëm se kur të më sjellësh një qime nga qafa e luanit, - i tha asaj.

-Si mundet ta bëj një gjë të tillë kur ne e dimë se luani është kafshë e egër, e ku i dihet mundet të më hajë, a nuk keni ndonjë mënyre tjetër më të lehtë e më të sigurtë? - i tha ajo.

-Nuk mundet të plotësohet dëshira jote që kërkon dashurinë e burrit tënd, vetëm se me këtë mënyrë, mendohu dhe ji e sigurt se do ta gjesh mënyrën e përshtatshme për realizimin e qëllimit..., - i tha asaj.

U nis gruaja e zhytur në mendime se si të gjejë një mënyrë për të arritur tek qimja e flokut të luanit. U këshillua me disa persona, të cilët ajo kishte besim tek ta, dhe ata i thanë se luani nuk të ha vetëm se atëherë kur është i uritur, prandaj t’i ngope me ushqim dhe pastaj mund të realizosh qëllimin tënd.

U nis për në pyll që të zbatonte porosinë e dhënë dhe filloi që t’i hidhte luanit mish dhe kjo mënyrë vazhdoi për disa ditë, derisa luani filloi të njihej me të.

Çdo herë që i hidhte mishin i afrohej një cikë derisa arriti një ditë dhe luani ju afrua vetë duke mos dyshuar në dashurinë e saj. Në këtë moment ajo filloi t’i fërkonte kokën dhe kurrizin, e në momentin kur luani ishte në këtë gjendje të kënaqshme nuk ishte e vështirë për gruan t’ia merrte qimen e kërkuar. Mbasi e mori atë u nis për tek dijetari magjistar (sipas mendimit të saj), që t’i jepte qimen e flokut të luanit. Ishte shumë e gëzuar duke menduar se së fundi arriti të fitojë dashurinë e burrit të saj përherë.

Kur dijetari e pa flokun e luanit e pyeti:

-Si arrite të marrësh flokun e luanit, a mund të më thuash?

Ia shpjegoi atij mënyrën që zbatoi në zbutjen e luanit, e cila doli në përfundimin se mënyra e futjes në zemrën e luanit si fillim ishte, barku i tij e më pas vazhdimësia dhe durimi në të, derisa arriti korrjen e frytit.

Në këtë moment i tha asaj dijetari:

-O robëreshë e Allahut... bashkëshorti yt nuk është më i egër se luani... vepro me burrin tënd ashtu siç veprove me luanin që t’ia fitosh zemrën.

Mëso hyrjen për në zemrën e tij, ngope në rast urie, ji zbatuese e kërkesave të tij, vendos një plan për këtë dhe duro!!!!!!!!!!!!



 
Interesting
positive votes: 36  |  negative votes: 1

Write comment:

fulinanes (37)
me durim dhe dashuri gjithqka fiton
#5, 01.09.2010 - 03:41
01.09.2010 - 08:59
niceeeee
#4, 01.09.2010 - 03:12
01.09.2010 - 08:59
deniissi (33)
Shum Blog i Bukur Shoku
#3, 31.08.2010 - 23:37
te flm denissi
31.08.2010 - 23:40
fantaziiiiiiiiiiiiiii
#2, 31.08.2010 - 11:38
31.08.2010 - 11:41
shume tregim i bukur
#1, 31.08.2010 - 10:22
31.08.2010 - 10:26
 

© 2018 Top.al - all rights reserved.