Top.al is a social network offering you an opportunity tocommunicate with your friends, meet new people and find out what otherpeople think about you. For using the site log in or register!
Fatmiri blog

Si duhet të prezantohesh gjatë një interviste për pune?

Intervistat mund të dështojnë nëse keni shumë pak eksperiencë në këtë sens ose pak praktikë, por nëse përgatiteni për intervistën mund të ndiheni më konfident dhe ndoshta do të dilni më mirë.
Paraqitja
Sigurohu që ke një pamje profesionale. Një kompani ka shumë gjasa të punësojë dikë që paraqitet mirë. Jepe dorën në mënyrë të vendosur, vështro në mënyrë të qetë e të qartë pa ngulitur sytë dhe pa buzëqeshur.
Përpiqu të jesh në kohë, madje 15 minuta përpara intervistës. Jepi vetes kohë për t’u përgatitur, që të mos jeni në ankth. Nëse nuk mund të evitosh të qenit me vonesë njofto kompaninë menjëherë, duke shpjeguar arsyen dhe duke dhënë me përafërsi kohën e mbërritjes tuaj.

 166f3631.jpg 
Pyetjet e intervistuesit
Do të ketë pyetje mbi çdo mangësi që ka CV-ja juaj, si dhe për kohën në të cilën ju nuk keni punuar. Përgjigju në mënyrë pozitive, jep arsye për mangësitë dhe mos u frikëso. Përgjigju me sinqeritet e pa frikë. Shëno gjithçka që dëshiron të thuash në CV-në që i jep intervistuesit, dhe ruaj një kopje të CV-së për vete.
Më poshtë keni disa pyetje që bëhen shpesh nëpër intervista. Përgatit përgjigje për këto pyetje duke u bazuar në CV-në tënde, me një gjuhë pozitive.
1) Më trego më shumë për veten? Kjo është pyetje e zakonshme, kështu që mund të përgatisësh një përgjigje standarte, por përpiqu të duket sa më natyrale. Jep detaje për punën tënde dhe aftesitë e tua. Mos fol më shumë se 5 minuta. Përpiqu të përshtatësh përgjigjen me pozicionin që dëshiron të fitosh.
2) Cilat kanë qenë arritjet tuaja deri më sot?
Tregohu i kujdesshëm këtu. Një punëdhënës nuk dëshiron te dëgjojë shumë mbi diplomën tënde. Të gjithë aplikantët kanë diplomë kështu që përpiqu të theksosh çfarë të dallon nga të tjerët. Gjej një arritje nga përvoja jote. Psh. mund të keni organizuar një event për ngritje fondesh ku keni treguar aftësi organizative, dhe keni patur shumë përgjegjesi.
3) Më tregoni një vështirësi që keni hasur më parë, si e keni zgjidhur?
Intervistuesi dëshiron të kuptojë se çfarë është e vështirë për ju, si ia keni dalë mbanë të dilni nga situatat nën presion. Edhe njëherë trego kujdes. Përpiqu të mos përshkruash një problem që u shkaktua prej teje. Trego se si e identifikove problemin, si e trajtove atë, dhe si e zgjidhe situatën. Gjithmonë trego anën pozitive, çfarë mësuat nga kjo situatë.
4) Cilat janë pikat e tua të forta?
Kjo pyetje bëhet përherë, prandaj përgatitni shembuj. Përgatit 5 pika të forta si psh. vetëbesimi, motivimi, vendosmëria, sjellja pozitive etj, dhe trego pse këto pika janë të rëndësishme për pozicionin ku dëshironi të punoni.
5) Cilat janë pikat e tua të dobëta?
Mos thuaj kurrë ‘Hej jam perfekt’, punëdhënësi juaj e ka dëgjuar shpesh këtë e nuk do t’ju besojë. Ka shumë mundësi që ju të mos keni eksperiencën e duhur për punën që kërkoni të bëni, por tregoni që jeni një nxënës që mëson shpejt, dhe me trajnim të përshtatshëm do ta zgjidhni këtë problem. Ju mund të tregoni dhe ndonjë pikë të dobët, por përpiquni ta trajtoni si avantazh, psh. mund të thoni: ‘jam njeri pa durim nuk më pëlqen të punoj pa qenë efektiv’
Më poshtë ka dhe disa pyetje të tjera të cilave duhet t’i kushtoni vëmendje. Mos harro që përgjigjet t’i mbështesës me shembuj e me fakte.
 Si punoni nën presion?
 Si reagoni ndaj kritikave?
 Si e trajtoni konfliktin e interesit në ambientet e punës?
 Çfarë kërkoni në këtë kompani?
 A merrni iniciativa?
 Si do të reagonit nëse do të duhej të punonit me orare të zgjatura, ose në fundjavë?
 Çfarë mund t’i sillni kësaj kompanie?
 Cilat aftësi do të donit të perfeksiononit?
 Çfarë nuk ju tërheq në këtë kompani?
 Ku do të donit të gjendeni pas 5 vjetësh?
 Si do t’ju përshkruanin kolegët tuaj?
 Cilët jane 5 cilësi që do t’ju përshkruanin më mirë?

Të interesohesh për kompaninë
Këshilla jonë është të drejtoni shumë pyetje të hapura të cilat do ta inkurajonin punëdhënësin të flasë. Ju mund të zbuloni shumë për kompaninë duke pyetur intervistuesin mbi arsyet që e kanë çuar te kjo kompani, apo mbi arsyet që e shtyjnë të qëndrojë në atë post?
Kërko më shumë informacion për kompaninë. Pyet për raportet financiare. Bisedo me intervistuesin për këto gjëra, edhe pse ndoshta nuk do të aplikosh për të qenë financier. Pyetje të tilla tregon që keni aftësi në biznes. Në mënyrë të ngjashme bëj pyetje mbi vizionin e kompanisë, misionin e saj, dhe strategjinë për vitet e ardhshme.
Nëpër organizata të ndryshme duhet të tregosh kujdes kur të kerkosh një rritje page. Mënyra më e mirë për të folur për këtë është të pyesësh: ‘Si e shikoni zhvillimin e pozicionit?’. Pyetje të tjera që mund të drejtoni janë ‘çfarë rrethanash ju kane çuar në marrjen time në punë?’ dhe ‘sa gjatë qëndrojnë njerëzit në pozicionet e tyre?’

Të dish më shumë rreth rolit tënd
Kupto nëse ka lidhje mes ambicieve të tua dhe punës që keni ndërmend të kryeni, dhe shihni nëse ka mundësi për të bërë karrierë në këtë pozicion. Pyetjet që mund të bëni janë:
1- Kam lexuar përshkrimin e punës, mund të më tregoni më shumë mbi punën që do të bëj?
2- Si i trajnoni punonjësit?
3- A jam i përshtatshëm për këtë pozicion?
4- A ka limite kohore për punën?
5- Si do të mund ta kuptoj nëse jam duke punuar mirë?
6- Çfarë kanë arritur deri më tani punonjësit e tjerë?

Është e rëndësishme të informoheni për rolin tuaj në kuadrin e organizatës. Duke pyetur më shumë për organizatën apo për punën që do të bëni, do të kuptoni nëse është puna e duhur për ju. Pyetje si ‘Cilat janë mundësitë për përparim në karrierë?’ do t’ju ndihmojnë të kuptoni nëse ajo punë do ta çojë karrierën tuaj drejt objektivave që keni përcaktuar.
Pyetje si ‘Çfarë mund të më tregoni për eprorët e mi?’ dhe ‘Cili është stili i drejtimit dhe i vendimmarrjes në këtë kompani?’ do t’ju ndihmojnë të kuptoni nëse mënyra organizimit dhe kompanisë janë ato që ju përshtaten më mirë. Shpeshherë njerëzit aplikojnë për një vend pune pa e njohur realitetin brenda kompanisë.
Konsidero disa nga pyetjet e mëposhtme
 Cila do të jetë puna ime e përditshme?
 Çfarë trajnimi do të kem?
 Si do të vlerësohem?
 Si pozicionohet roli im në strukturën e organizatës?
 Si pozicionohet departamenti im në strukturën e organizatës?
 Kujt do t’i raportoj, dhe a ka njerëz që duhet të më raportojnë?
 A ka kompania plane për tu zgjeruar?
 Ku është vendi ekzakt i pozicionit tim?
 A përfshihen udhëtime në këtë vend pune?
Fundi i intervistës
Mbylle duke pyetur nëse intervistuesi ka ndonjë gjë tjetër për të shtuar. Kështu ju do të mund të shtjelloni çdo pikë e cila mund të jetë keqkuptuar gjatë intervistës. Pyet intervistuesin ‘se çfarë do të ndodhë më pas?’ Dhe nëse ju ka pëlqyer ajo që keni thënë gjatë intervistës atëherë bëjeni të ditur.
Çfarëdo që të bësh...
 Mos u vono për intervistën
 Mos trego shumë ngut për të ardhmen
 Mos u përqendro shumë tek rroga
 Mos trego asnjë lloj dyshimi për vendin e punës apo kompanisë. Ju mund të refuzoni çdo mundesi për punë, pasi të keni patur kohë mjaftueshëm të shikoni me gjakftohtësi avantazhet dhe disavantazhet.
 Mos trego standarte të ulëta morali
 Mos e lër të ndezur celularin gjatë intervistave
 Mos thuaj asgjë negative për punëdhënësit e mëparshëm
 Mos trego paqartësi për karrierën tende, mungesa e qëllimeve apo e interesave mund të tregojë që ju jeni vetëm në kërkim të një pune për një kohë të shkurt
Gjashtë gabime që nuk duhet të bëni gjatë intervistes për pune

Ti mund të kesh besim në atë që ke shkruar në letër apo në atë që ke veshur, por nëse mendon ta mbyllësh me sukses intervistën, pamja nuk mjafton. Mënyra se si flet është disa herë më e rëndësishme. Shumë kërkues pune gabojnë gjatë fjalimeve të tyre duke humbur shanset për gjetjen e një pune.
Më poshtë po paraqesim gjashtë gabime linguistike dhe mënyrën për t’i përmirësuar ato, me qëllim sukesin e intervistës tuaj:

1- Pasthirrmat: Fjalët parazite si ‘ëm’, ‘ah’, ‘e di…’, ‘OK’ ‘nejse’ ose ‘sepse’ tregojnë shenja nervozizmi. Një strategji e mirë është të mendoni para se të flisni, duke bërë pauza të shkurtra dhe frymëmarrje në rast se keni humbur fillin e mendimeve. Çdo njeriu i lejohet nje ‘ëm’, por mos e përdorni në fillim të çdo fjalie.

2- Intonacioni: Një rritje e intonacionit në fund të çdo fjalie krijon një përshtypje të keqe, dhe e bën atë që thoni të ngjajë si pyetje, ndërkohë që duhet të dukeni i bindur. Ju duhet të flisni me bindje kur të jeni duke shitur veten në një intervistë. Ule intonacionin e zërit kur të jesh duke mbyllur fjalinë, që të mos ketë keqkuptime.

3- Gabime gramatikore : Ai që ju interviston mund të dyshojë mbi arsmimin tuaj nëse bëni gabime gramatikore apo flisni në zhargon a dialekt. Sigurohu që flet me fjalë të plota, në kohët e duhura të foljeve etj. Intervista nuk është momenti i duhur për të folur në mënyrë informale, apo me shprehje dialektore.

4- Frazeologji e paqartë: Bashkimi i fjalëve ose heqja e mbaresave të tyre zbeh qartësinë e mesazhit tuaj. Për të evituar fenomene të tilla flisni ngadalë gjatë intervistës. Bëj një listë të fjalëve ku gaboni më shpesh në të folur, dhe praktikojini përpara intervistës.

5- Shpejtësia e fjalimit: Një fjalim i shpejtë është shumë i vështirë për t’u ndjekur, dhe ata që flasin shpejt duken nervozë. Ule shpejtësine duke marrë frymë thellë përpara se të përgjigjesh. Për të evituar vrapin dëgjo pyetjen, pastaj numëro me vete deri në pesë para se të përgjigjesh. Kur mbaron një fjali, numëro dhe një herë, para se të rifillosh. Mos u tremb nga heshtja. Pauza është një teknikë e mirë komunikimi. Sidoqoftë, personit që ju interviston i duhen disa minuta për të perpunuar atë që i thoni.

6- E folur e ulët : Fjalët e zbehta ulin besimin dhe pozicionin tuaj. Kur e mbushni fjalimin me shprehje si : ‘shpresoj’, ‘mbase’, ‘ më duket’, ‘ashtu si’, mesazhi që jepni do të tregojë mungesë vetbesimi. Përdor fjalë të fuqishme si : ‘kam besim se’, ‘rezultatet e mia të larta tregojnë që’, ‘mbaj pozicion të tillë’, ‘rekomandoj’, ‘qëllimi im është’. Gjuha që përdorni i jep intervistuesit një ide të nivelit tuaj të vetbesimit, dhe bindjeve tuaja.

Përfundim
Ju nuk keni pse merrni kurse diksioni për të folur mirë. Thjesht flisni ngadalë, merrni kohë për të shqiptuar mirë fjalët, dhe lërini dialektizmat në shtepi. Kompanitë duan njerëz që dinë të flasin dhe artikulojnë mirë.


166f3632.jpg

 


Tags:

 
Interesting
positive votes: 11  |  negative votes: 0

Write comment:

un hiq nuk prezantona se nuk di qysh hehehehhee
#1, 25.05.2009 - 03:10
 

User
offline
offline Fatmiri
Danimarka, Staden Kobenhavn, Amagerbro



Entries archive
2009
June (1)
May (1)
March (1)
February (2)
January (2)

© 2014 Top.al - all rights reserved.