Top.al is a social network offering you an opportunity tocommunicate with your friends, meet new people and find out what otherpeople think about you. For using the site log in or register!
Orientalisti blog

Ç’panoramë rrëqethëse!

Ç’panoramë rrëqethëse!



Jemi dëshmitarë për ndodhitë e këtyre ditëve në vendin tonë, në rajon dhe më gjerë. E gjithë bota është e përfshirë në një kaos të vërtetë: Krime, luftëra, përmbytje, vullkane, tërmete, varfëri, është panorama rrëqethëse që nisi dekadën e re. Veç pak ditë kanë kaluar që nga fillimi i këtij viti, vitit Gregorian, dhe kronikat e lajmeve janë të tejmbushura me informacione tronditëse.


Sa e sa njerëz të pafajshëm vriten sot në botë, për hir të interesave të grupeve të caktuara! Sa e sa njerëz të pashpirt jetojnë sot në botë e përfitojnë me pa të drejtë në kurriz të të tjerëve! Sa e sa njerëz kanë harruar natyrën e tyre njerëzore dhe janë orientuar jetës çnjerëzore. Sepse ndryshimi mes njeriut dhe kafshës është logjika.


E sot njerëzit pak mendojnë, pak meditojnë, pak ndiejnë!


Sa e sa njerëz sot, në shekullin e zhvillimit më të madh të teknologjisë, vuajnë urie! Jetojnë më keq se në mesjetën idhujtare. Nuk mund të sigurojnë as bukë thatë! Ç’panoramë rrëqethëse!


Mungesa e kafshatës së bukës. Jetë si në ishujt e humbur. Por këta njerëz, fatkeqësisht, nuk janë të humbur, por të harruar nga njerëzit. Vuajnë nga padrejtësitë e kapitalizmit, kapitalizëm i egër! Vuajnë nga shfrenimi i epsheve të njerëzve, që drejtojnë. Vuajnë nga mungesa e së drejtës sociale. Vuajnë nga maskimi i sistemit të quajtur “demokraci” -pushtet i popullit! Vuajnë nga diskriminimi racor, fetar e gjinor.


Atë që Zoti solli si dhuratë për një popull, për t’iu krijuar atyre jetë të mirë e të begatshme, po iu merret me padrejtësi, nga fuqitë arrogante. Lindja e Mesme, tokë e çmuar e arit të zi. Ajo tokë që prodhon flori. Ajo pasuri e pashtershme, është përlyer me gjakun e shehidëve. Me gjakun e luftëtarëve në rrugë të Allahut! Atyre burrave, grave e fëmijëve, që u flijuan për hir të besimit dhe dinjitetit të tyre. Po vidhet çdo ditë e më tepër. Sepse udhëheqësit e tyre e kanë shitur Ahiretin për dunjanë kalimtare. Janë bërë pasues të fuqive të mëdha. Ithtarë të lakmisë! Iu janë nënshtruar krijesave, e kanë lënë anash besimin në Krijuesin e çdo krijese!

Këto fuqi, po uzurpojnë çdo vend që ka pasuri, nën petkun e mbrojtjes së vendeve nga udhëheqësit e padrejtë, dhe vendosjen e drejtësisë!


Të gjithë jemi dëshmitarë sot, se toka e Palestinës, Afganistanit, Irakut, Iranit,në to rrjedh ende gjak. U premtua paqe, por paqja mungon. U premtua drejtësi, por drejtësi nuk duket as larg në hapësirë! U premtuan udhëheqës të denjë, dhe iu dhanë plumba. U premtuan jetë më të mirë, dhe iu dhanë çnderim e poshtërsi. U premtuan ruajtës, ndërsa po vjedhin çdo ditë e më shumë pasuritë e këtyre vendeve.

A kjo është bota në të cilën duam të inkuadrohemi?



 
Interesting
positive votes: 5  |  negative votes: 0

Write comment:

+5
#1, 05.01.2010 - 21:01
shum flm nga ju
10.01.2010 - 10:00
 

© 2018 Top.al - all rights reserved.